大家好! 本人鋼之風水術師, 在此開業(借位開業), 免費幫網友批命. 阿鋼我跟隨專師學習風水及子平命理年餘, 假日亦會替相熟朋友睇風水及批命.

如有網友想卜問前程, 可以PM我 說明閣下的資料, 如下:
1) 出生年,月,日,時 , 新/舊曆. 請留意, 時間要很小心說明, 例如: 早上 05:00 - 05:30 . 如果閣下給我的時間是橫越2個時辰的交替點,就不能替閣下算命的.

2) 是男/女, 因男女命是有分別的.

3) 最重要是要說清楚閣下想問什麼, 例如: (事業: 有朋友叫我一齊投資合作做生意[最好說明什麼行業]...) {愛情: 我和男友想下年結婚...). 除了這些外　亦請說明現在狀況，　例如: (事業: 我在04年前是做xx行業的, 轉了這行業已經做了3年, 但覺得還未在公司得到應有的償識. 和我朋友合作我是付責xx...) (愛情: 我和男友拍拖4年...)
其實命理是為了幫人解決問題, 其實都好似醫生, 越說清楚問題及事件始末, 就越能幫到閣下.

4) 如喜歡的話, 可以說說閣下住在那一區, 什麼屋苑, 大門坐向.

PM資料給我, 我就會在這主題內回答, 不會說出閣下名字, 保障閣下私隠. 亦因本人只是有時間才回覆 如生意旺可能只可以抽取部份回覆, 如沒能回應閣下的, 請見諒.

最後, 請各朋友多多支持, 如我回覆了的, 請都PM我應驗與否. 及小弟希望各位師父老師多多指點一下, 請多說一下閣下意見.

halo
我岩岩pm左..係問愛情既..{y男&h男果個}

閣下想問愛情運, 因你post了, 我不方便寫出你全時辰^^ 保障返你私隱. 但我都寫出你3柱, 請見諒. 還有, 你不是太確定是否這時辰, 如之後發現時辰錯誤就叫我再批. 之後如果其他人都想算命, 請直接PM我 謝 ^^

先睇睇佢八字:

時     日     月     年
X      丁     乙     壬
X      亥     巳     申

尼位朋友, 丁火日主生於5月, 學下蘇大師講句"熱命人". 其實你自己都幾有主見, 特別係父母同你講既野你都會覺得勁煩, 凡事做野你都會好active好主動.
其實聽你語氣,你都心裡有所選擇啦,既然係咁,自己選定一個,主動d約佢行街睇戲食飯啦!!!

講返你八字論愛情, 日坐夫星 只透於年柱 不雜, 我覺得你並不是花心果種人, 而且夫星為日主正官喜神, 他日老公一定幾叻, 兩公婆姻愛, 本來可以白頭到老, 只可惜夫星左沖右沖 出現極大不穩定因數...但到時先算啦 幾十年後 都唔知咩世界

講返近d, 你正在行愛情, 行到30歲, 夠晒啦...但有時有得愛情, 其他運情就差d嫁喇...

特別一定要講, 在21-30歲 2013-2022年, 你大運'壬寅' 四刑相沖, 係你一生人最兇險既10年, 必有大動盪, 萬事小心為上. 除了這10年, 每馮虎年你都要萬事小心. 都想順便問下你, 可能你那時候仲好細, 你6歲時候 1998年, 有冇咩特別事情發生?

需然有兇險, 你會於31歲行運行至71歲, 31歲后一定能一步一步至大富大貴. 蘇大師日日掛咀邊話"30歲前行運冇用, 一定好快跌返落尼", 辛苦尼10年就以後炭世界, 不要氣餒...

仲有, 差d忘記了, 以後記住:

五行中 土金水 都對旺你, 多d用黑白金銀藍色.

同埋幫你旺一旺你短期愛情運 (方法抄自蘇大師), 於你屋中東南方 放一杯水 及 音樂盒, 得閒攪o向佢...屋中唔方便就放房既東南邊...但記住只可以放到農曆年前, 農曆年前一定要拿走... 2個月夠你溝到仔喇

[ Last edited by 鋼之風水術師 on 2007-12-11 at 12:59 AM ]

男
大帥我失業了4年
現在找不到一份長工
幾時會轉好

[ Last edited by 黎明明 on 2007-12-13 at 01:35 AM ]

[quote]Originally posted by [i]黎明明[/i] at 2007-12-12 12:54 AM:
1977年4 月29日早上10:00
男
大帥我失業了4年
現在找不到一份長工
幾時會轉好 [/quote]

我都知我靚仔:005: 唔洗叫我大帥喇:haha2: 叫我阿鋼得啦

可唔可以詳細D講下你現在情況? 如果想保障番小小私隠, 可以PM我...
而家做緊咩工?
4年前做咩工?
以前讀書時係讀咩專業 或 你係想做咩工?
結左婚未? 婚姻對大部份人尼講都有所幫助
住邊區? 咩屋苑?

在未知你確實情況, 在下只可以講少少...因為我點睇都唔覺你情況好差...

睇番八字:
時     日     月     年
癸     丙     甲     丁
巳     辰     辰     巳

丙火炎炎 欺霜侮雪 天干中 劫財 印星 通根有力 但官星入墓 更被劫財沖克 地支中 巳火幫身 辰為濕土但食神冇透出 身強論 (睇唔明的可以不理 ^^)

其實睇你八字所見 (希望我睇錯^^),你未必對算命咁有興趣, 咁你未必會對我既提意有所行動. 但既然問到 就係緣份 我衷心希望可以幫到你:wink_smiley:
初步講講, 你尼個命其實係唔錯. 你個人皮氣有時會鐨左牛角尖, 覺得空有一身武功 懷才不遇, 想有進一步更上一層樓 卻很容易被你同事/朋友/同輩破壞. 而你有D前輩/家長想幫你都幫唔到 你亦唔想佢地幫, 皆因好多時你自己都可以解決問題. 你同上面個女仔一樣, 可以採取主動, 找份好既工. 找咩工作好? 你個命宜做穩定固定收入既工, 不要怕懷才不遇 運到時一定你揸LIFT 直昇機咁上

你頭27歲都冇咩特別好運行 (係好事), 至28歲 2005年 開始轉運, 一路行運到68歲.
28-37歲 行辛苦個人力量得財運, 宜做D穩定收入既工作
38-47歲 財運亨通 更有好大機會位至公司的管理層/CEO
48-57歲 因得志而得意忘型 而惹官非
58-67歲 咩風浪都經過晒 收歛晒 用自己智慧經驗去搵錢

一個人轉運會需要一段時間尼適應, 但我覺得你現在應該開始FEEL到轉運嫁播, 特別你尼種身強既人 唔洗2年咁耐. 先同我講下你現在情況, 答左我上面D問題先, 我再睇睇係咩事. 如果唔對路,就有可能係家宅風水影響了你. 如你覺得有需要, 我可以去你家幫你睇下, 但最好假期

致各位想算命既朋友:smile_38:, 我本人都希望本店生意興隆, 但如果個個都POST時辰同問題上尼, 就會唔係咁方便喇:sweat2:. 同埋我一定會把結果POST出來的, 因本店開張純是為大家有興趣者一齊參考研究, 而本店亦會盡量保障算命者私隠. 請各位朋友如想算命,請PM我, 我會盡快回覆.

多謝大家合作:hand2::hand2:

我4年前工傷
休了4年今年好了便去找工作做
可惜找到工作做給人玩給人罵走
到現在找不到一份長工
大帥我幾時會好現在我好慘
人老錢無找份工作做不長
4年前做裝修
讀到f.3結左婚了住大窩口
現在我好灰找不到一份工作做
找到上斑給人玩給人罵走

[ Last edited by 黎明明 on 2007-12-13 at 01:53 AM ]

[quote]Originally posted by [i]黎明明[/i] at 2007-12-13 01:12 AM:
我4年前工傷
休了4年今年好了便去找工作做
可惜找到工作做給人玩給人罵走
到現在找不到一份長工
大帥我幾時會好現在我好慘
人老錢無找份工作做不長
4年前做裝修
讀到f.3結左婚了住大窩口
現在我好灰找不到 ... [/quote]

嗯...你的情況都真係幾惡搞, 但都絕對有得搞. 先講聲, 之前那篇我講的比較正面,比較好聽...我今次講這番話, 我會用比較負面方式同你講, 你未必會鍾意聽, 但如你真係想改變現況o既話, 尼個係一個機會, 我希望你在未來1年後同我講你情況好轉左^^

先睇返你現況, F3畢業做裝修做左差不多10年之後因工傷休息了3年, 今年好了就找工作. 咁你而家係唔係做緊裝修? 你工傷休息左3年都情況唔輕, 因此不能再做裝修? 我唔知你傷成點, 我唔知你現在可以做咩,唔可以做咩... 我只有大體的同你講, 希望幫到你.

你現在最大要解決的,只有一樣.
之前我講過, "你個人皮氣有時會鐨左牛角尖, 覺得空有一身武功 懷才不遇, 想有進一步更上一層樓 卻很容易被你同事/朋友/同輩破壞"
你過往既經驗完全用不著, 用到都冇人賞識, 想發展但比同事取笑, 更經常和上司不和...
這全都是由一處出發--你的性格
你八字火土食神不透天, 為人不懂風趣, 別人講下笑你都會以為別人針對你, 咁就大獲啦... 食神不透天者, 則好希望自己做到成績比人睇 但卻發現冇人留意到你, 更覺得冇人賞識...

好喇, 知道你個命問題所在, 咁就對証下藥. 命運源於性格, 要改命運 最有效方法就係改變性格, 不出半年運程必有改變...

首先, 不要太介意同事間的玩笑/講笑/取笑, 講笑者 只是希望大家笑下算, 你越介意就越令你不能自拔, 你應該跟佢地一齊笑下一齊玩多D

第二, 不要介意做左野冇人賞識, 人望高處是一定的, 但之前我都講, 你現在官星不穩 更被丁沖克, 運未到你只有守, 運到你自然揸笠

總括尼講, 試試改變自己, 事事低聲下氣 盡量張就別人 盡量不問回報幫人. 你運情幾時有好轉呀? 當你周圍朋友同事都覺得你改變左, 易相處, 你自然會覺得佢地對你好左...

之前講左, 你這10年係行'辛苦個人力量得財運', 係正財運, 一定係辛苦的, 但都一定有財, 所以樂觀D. 38-47歲情況好好多, 搵錢易好多, 但都要你現在10年搞好你D人際關係先, 我唔知你個樣點, 唔知為什麼你同事笑你玩你. 但我早前算過一個八字, 佢係個侏儒, 佢同人相處好好, 佢好主動幫人, 你情況會唔會差過佢 (無意冒犯有身體抉憾的人)?

希望你遲下同我講閣下情況有好轉啦^^ 祝工作順利

[quote]Originally posted by [i]黎明明[/i] at 2007-12-13 01:12 AM:
我4年前工傷
[/quote]

請問
先生是否老三？
工傷發生於 2003 July ~ Sep 之間 癸未年庚申月？

04年
我去上斑有d死人刷鞋仔到處刷鞋
我不去刷鞋便玩我

哦；甲庚逢冲　丁癸逢冲　伤上身　“庚”为金屬器皿所傷否？

[quote]Originally posted by [i]黎明明[/i] at 2007-12-14 11:57 AM:
04年
我去上斑有d死人刷鞋仔到處刷鞋
我不去刷鞋便玩我 [/quote]

嗯...八字都講晒尼個情況出尼.
但我都講左, 忍一時之氣, 尼幾年能夠合到群, 運一到一定你揸拂...
去唔去處理好D關係, 你自己決定. 點樣去合到群, 都好睇你做化, 尼D野真係其他人好難幫
但我都話, 你個命比好多人好 至少你有半世好運行, 仲要而家同你講埋要點樣把握尼個運... 咁都要灰的話....:smile_39:

你好,剛剛pm左比你,希望你有時間睇la~

大帥有無方法穿玉器可以防小人刷鞋仔

本人出生日期是: 新曆:1981年8月26日 早上06:25 男
想問我幾時先會有女仔鍾意我呀,幾時先有拖拍呢?我大大話話成6年冇拍拖......晤通真係命犯天煞孤星

另外重想問事業,廿幾歲人,人工連八千蚊都冇.係晤係成世都要做個冇出色的人.....一世做窮人.
P.S. 同你個名好似 o個套卡通片我好鍾意架,你係咪都好鍾意架?

大家一齊幫幫尼位兄弟啦, 其他師傅都請幫手睇下, 請直說閣下見解.

時   日   月   年  大運  56   46   36   26   16   6
辛   丙   丙   辛           庚    辛    壬    癸    甲   乙
卯   子   申   酉           寅    卯    辰    巳    午   未


尼位兄弟, 在下愚見, 閣下人緣都唔差播, 并不是冇女仔鍾意你 更唔係命犯天煞孤星...

你八字丙火日主 雖然有比肩幫身 卻地支無根 失地; 印星坐時 卻無透天 更被強酉沖克 失勢. 辛金為正財透天 通根於申酉 支配全局. 原局多合多刑沖 丙辛合官 財來合我... 此局為"財強身弱" (睇唔明可以不理)

財強身弱者, 則對於發生於你身上既事你都支配/控制唔到, 包括你搵到既錢 你都唔覺唔覺洗大左; 你的種種計劃, 都經常因種種其他事情而無法順利實行. 但好彩, 你一世有運行 幫到你唔少. 你原局及少年運都食傷偏弱, 讀書緣薄; 1997年開始轉運 甲木午火幫身任財 雖午火被子水沖倒 但亦已經有暖局作用 開始行財運, 你是否好早已經開始出尼做野? 30歲之前行的財運 好多時都比較難發揮, 今年2007又轉運 癸巳. 在下認為此運比之前比較好, 一來已經30歲; 二來 癸水雖為官 巳申又合水 旺官, 但合去了過強的財星, 官星又可洩弱財星. 你記住, 你命中'木同火'都旺你 忌見金, 多用青綠紅色對你有幫助. 07 08 09 都唔係木火年 你會覺得濕濟D 2010年開始情況會好好多...努力!!! 加油!!!!!!!

再講愛情運, 你每逄 0,1 尾的年份都有利姻緣(即00,01,10,11,20,21...) 02年妻宮被沖散左. 照睇你04年都有次機會播, 有冇把握到呀? 但有冇都唔緊要啦,過左去就算. 你個人會覺得女人心好難明白好難捉摸 同埋你經常要同你朋友兄弟爭女. 要計你下次姻緣的話, 都好快有, 09 10 11 12 都好大機會.

最後講下你危和機

危, 你命中金木交戰 要小心身體 刀傷車禍, 特別逄虎年要好小心; 特特特別你2010年 '寅申巳'三刑 加 '卯酉寅申金木交戰', 必有變動. 但又唔洗過於驚青, 變動者 都可以係好事, 例如結婚 生仔 都算...如果再想求平安心安 可以去多D捐血 一來幫人 二來應金木刀傷之命.

機, 你本身有發富條件, 因為你八字財旺, 可唔可以發富 就都好睇你之後際遇 識D咩人 同咩人一齊, 同埋讀幾多書都好緊要. 你第時都會怕老婆, 尼個'可能'都係你第二個發富條件 怕老婆會發達:smile_19: 同埋你好大機會再婚

講晒...尼章野打左我2粒鍾 (我打字勁慢) :smile_42: 結婚記得請我飲:smile_35:

[ Last edited by 鋼之風水術師 on 2007-12-16 at 02:46 AM ]

[quote]Originally posted by [i]黎明明[/i] at 2007-12-14 09:52 PM:
大帥有無方法穿玉器可以防小人刷鞋仔 [/quote]

如果我賣玉器我會話有, 我賣金器我會叫你買金:haha2: 但我冇賣

有個風水上小小方法有助你化是非, 於你家中西北方 放一棧燈 用黃燈泡 最好棧燈係紅色TIM, 唔放燈可放利是 利是放幾蚊得喇
公司於你坐位西北方(枱面或枱底)都放利是 又係放幾蚊得喇

此方法用到舊曆過年, 舊曆過年前要拿走

但相勸一句, 風水或其他任何方法只是幫助, 最終要點之前講到好明了....

[quote]Originally posted by [i]鋼之風水術師[/i] at 2007-12-14 11:59 PM:
本人出生日期是: 新曆:1981年8月26日 早上06:25 男
想問我幾時先會有女仔鍾意我呀,幾時先有拖拍呢?我大大話話成6年冇拍拖......晤通真係命犯天煞孤星

另外重想問事業,廿幾歲人,人工連八千蚊都冇.係晤係成世都 ... [/quote]

阿鋼大師,讀書緣我諗都應該係有d薄,因為我自問不是讀書的材料.不過我21歲才做第一份工,晤知算晤算早出黎做嘢呢?
大師你話我1997年開始轉運,這個point真係幾準.97年我16,17歲.個年我因為成績差所以比人踢出校,之後去左一間私校讀書,不過成績就進步左,可能因為比人踢左出校,激發左我的上進心.

另外,07年今年又轉運,咁轉運的意思是轉好定轉差呢?還有轉運係晤係即刻feel到呢?定係要等一兩年先見到轉運的效果呢?

04年有次感情發展機會??我自己都晤係好記得:sweat2: ,咁我現在唯有等09,10,11,12 年la~

血我都成日捐架,3~4個月就捐一次,助人助己,大家都應該捐多d.

要大師打左成兩粒鍾,真係晤該唒.好~~ 我結婚個時請飲絕對冇問題,晤駛做人情都仲得.

[quote]Originally posted by [i]tamchunkit90[/i] at 2007-12-15 09:48 PM:
阿鋼大師,讀書緣我諗都應該係有d薄,因為我自問不是讀書的材料.不過我21歲才做第一份工,晤知算晤算早出黎做嘢呢?
大師你話我1997年開始轉運,這個point真係幾準.97年我16,17歲.個年我因為成績差所以比人踢出 ... [/quote]

當轉運時一般要1-3年先FEEL到, 你尼種身弱要2-3年, 加上我睇番流年, 你這幾年會慢慢好D 最明顯D有大進展會O係2010年打後, 但又係尼一句 2010年有一個大變動. 你尼生人波動都幾大下, 但我相信你都習慣了處理逆景 你會樂觀面對, 你轉數好快, 尼D都係睇強身弱既特點... 咁又好果邊尼諗, 人生波動大先冇咁悶:haha2: 在下都係財強身弱:victory2:

你97年轉運旺左你財運, 但你仲算細 旺財運都多數冇用. 不過講番之前D野都冇咩用,都過左...最重要係同你講你將來既機會, 至少你有先決條件, 結左婚你老婆會令你(或迫到你)更上一層樓.

希望閣下唔好介意, 可否容在下問幾句 (會稍為私人的), 只為印證古書之言. 我會PM你, 閣下不介意的話才於主題裹回覆, 如問題比較敏感都希望可以PM回覆我 萬分感謝!!!:hand2::hand2:

師傅:
我剛送了PM俾你
麻煩你有時間睇下~~~
吾該晒!!!

有一位女性網友 1970年舊曆四月廿七 亥時出世, 近日於公司發生了不遇快的事, 擔心事業受影響.

先看看閣下八字

時    日    月    年
己    辛    辛    庚
亥    亥    巳    戌


你好有上進心, 而且你都幾叻, 你好想得到名譽地位.
你八字裹, 天干中有很多同輩/同事 去爭合你財星官星 加上地支有官庫. 你需要比別人花更多努力去拼 來得到你的地位, 其實睇返你流年及大運, 從上年2006年開始 此進取心更明顯. 你未來20年都係咁, 有進取心態永遠係成功既唯一方法.
這次事件對閣下有幾大影響就好難講, 但你於2008年才開始轉運, 我對閣下於未來20年投信心的一票. 唯一叮囑閣下, 你地支沖克官星, 小心容易得罪人.