2008-2-19 22:44
鋼之風水術師
有網友pm我
"本人出生於新曆1970年10月28日上年6時30分 男
多年來事業都不甚如意 全靠朋友幫助都能支持至今 希望阿鋼能指點指點"
先睇睇八字
時 日 月 年 大運: 53 43 33 23 13 3
辛 辛 丙 庚 壬 辛 庚 己 戊 丁
卯 巳 戌 戌 辰 卯 寅 醜 子 亥
尼位朋友, 你八字太過熱, 一d水都冇, 最好自己多d用黑色既野, 著黑色衫, 會對你有幫助, 忌紅黃色.
你命中 平輩同輩極多, 即兄弟朋友死黨多. 你個人品德算唔錯既 係好人一個, 冇咩機心, 識得你既都好願意同你做個朋友. 但你命中 幫你既係平輩 破你財既都係平輩. 你命中就算一有d錢 都會被平輩所破, 或者同朋友兄弟洗左. 唔知2004,2005年有冇d事發生? 1) 一係有平輩令你破財, 2) 一係就女朋友/妻子同你分手 (都講埋, 你妻星好弱, 你就算有老婆都一定要小心保持關係, 而你老婆其實都幫到你). 另外 2014,2015年都係要小心以上2件事.
2008-2-24 14:13
鋼之風水術師
有一位女網友pm我
"我係1984年3月1日寅時出世 (女)
想問下同男朋友今年的感情狀況
我的生命中會否有多於一段婚姻"
先睇八字
時 日 月 年
丙 甲 丙 甲
寅 午 寅 子
既然你問到我, 希望你唔好介意我直言. 先答左你第一條問題先, 你八字中 "夫宮"不穩, 再加上今年流年再加沖你"夫宮", 今年的確有感情變化, 要特別小心感情問題, 最好要盡量就下你男友.
八字顯示, 你比較自專心重 唔聽人講, 更加 內心中埋藏左一個好勝好強既心態, 隨時唔覺意就發脾氣, 又不愛管制 不受管制. 而亦都顯示尼個性格係同你丈夫男友對立. 我想信你係睇過其他師傅, 佢話你有幾段婚姻. 而我就咁睇, 尼個八字尼個性格, 早結婚你都係好易離婚, 因為你夫星好弱, 仲要比你沖克住.
你少年運(18歲到37歲)好差, 但會於38歲開始 180度轉運, 而你夫星到時先開始出尼. 到時結婚, 一定比較穩定.
咁38歲仲有成十幾年, 咪拍下散拖先羅.
2008-3-4 00:01
鋼之風水術師
有一位女性網友問在下
"事業和財運還可以, 但拍拖多次, 每次數年, 到談婚論嫁階段, 都分手收場, 令我很傷心失望, 心灰意冷. 請問大師我有沒有真姻緣, 如有, 何時出現, 何時開花結果, 婚後生活是否如意, 命中有沒有子女."
時 日 月 年
庚 乙 戊 乙
辰 未 子 卯
尼位朋友, 未講你老公前, 先講左你另一件事先. 就係你(今年08年開始)未來8年中 有4年都犯"伏吟", 有好重[財星克印星]之象, 尼幾年萬事都小心d 唔好行差踏錯, 特別係錢銀上 破財由他破 破一財擋三災. 你2016開始就仲有成40年財運, 千萬唔好因為這幾年小小錢而影響.
講番你老公, 你八字命格 加上你現時既運, 夫星完全冇晒地位, 夫星出唔到, 就自然結唔成婚啦. 好彩你好快就轉運喇, 2012-2021年 尼10年好大機會結, 特別我覺得你會在2015-2017結.
祝你早日找到如意郎君喇.
2008-3-7 14:02
光刻
大師你好呀~
小弟想問問幾樣野架.
小弟剛出社會做野,自問無EXP,底人工冇所為,最緊要有野学.但係問題就出自這裏,小弟家境不錯,家中算時有個錢,但係而家去進修就想用自已錢,想9,10月半工讀,未知大師意見?
另外,小弟都想問下感情,小弟中学時,被人玩弄,校中沒有半個朋友,所以...第一段感情只在一年前發生,但只有2個月><之後有主動追其他女仔但都冇法成為情侶,但又很怪...每日一次失敗,2,3日之後就有第2個女仔出現我眼前,之後又失敗...而小弟雙手感情線也是中間斷開,想問問會否是結唔成婚?><
Last 小弟面,手相也曾有破損(人為)
左(微)有破,左手手心也有...比較想問問左(微).我之前做野有個人話左(微)有破=小少年辛苦O.o
2008-3-11 12:35
鋼之風水術師
先回覆一位女性網友既問題, 之後再回覆光刻. 亦都先講聲唔好意思, 希望唔好介意我遲左回覆你們, 我這段時間比較晚返家, 好眼訓..^^
"我係女仔來的我鐘意左一個男仔想知道同佢有冇發展既機會"
女網友八字 男仔八字
時 日 月 年 時 日 月 年
己 丙 庚 辛 x 丙 丙 己
亥 戌 子 酉 x 寅 子 未
尼位朋友, 先講d唔開心野先...你想要結婚就要比多d力, 最好2011年前結, 或者就要等多10年2021之後.
你旺姻緣既運係到2011年, 2011-2020你會比較注重搵錢多d, 因此姻緣一定冇咁旺.
至於尼個男仔, 其實如果你係鍾意的話, 你約下人啦. 比少少提示你, 希望提升下機會啦!! 我冇佢時辰, 所以唔知得幾多, 但照睇佢尼個人表面上好玩得, 好鍾意同朋友出尼玩, 但都你咪睇佢嘻嘻哈哈 好玩得咁, 佢份人好希望佢另一半你正正經經, 好幫得佢咁樣既. 所以你要接近佢, 最好成熟d 正經d, 努力!!!
2008-3-13 13:51
鋼之風水術師
回答光刻既問題, 同埋都講聲唔好意思先, 尼排真係比較忙.
在講你八字之前, 先講返你面相問題, 我地睇面相就好難網上幫你睇, 因為唔可以單單只係以一條眉尼講, 面相論勢, 要整體論. 而你朋友話你因為條眉斷左 少年運差, 咁佢有冇話少年運係幾歲至幾歲呀? 一般面相 少年運係指30歲前, 按照八字 (加上你都講左) 你19歲前行財運, 即係你出身家庭一定有番咁上下....咁少年運又有幾差先? 因為要成個相夾埋尼睇. 但佢都o岩既, 你的確20-30歲會比較辛苦, 佢所指既係20-30歲.
你不知時辰 只知係早上, 我盡量講到幾多得幾多
時 日 月 年
x 戊 癸 戊
x 辰 亥 辰
你尼個八字好極端, 要讚既重點好多 但彈既東西都好多. 4柱中已經3柱係一柱純清 早上時辰亦大部分一柱純清, 身強財強, 加上你行既運尼睇 基本上錢財一世都唔洗煩惱. 但你命格人緣好差, 必定經常和平輩/朋友不和, 你為人會自我中心, 你唔識點去討朋友開心, 我認為你要學習下點去同朋友相處, 對你一世有好處. 八字亦都顯示, 你d平輩/朋友/兄弟都係同你競爭, 包括同你爭女朋友, 加上你妻星無護, 所以都容易爭唔到.
你問我你之後幾年姻緣點樣, 我會建議你唔洗太註重得失, 因為你係會30歲-50歲結婚, 這10年你有目標就試下, 試唔到唔洗失望, 因為你2007-2016年行既運 就算比你用盡心機溝到, 都好快比其他人搶左, 因此 比多d心機去工作學習攞經驗, 迎接你30-50歲大運, 到時亦會自然有你既老婆.
至於讀書, 我都好支持你去讀, 但你要有心理準備, 你讀書冇運既幫助, 一定要比其他人付出更大既決心, 更多既時間同努力. 但讀書又對你好重要, 所以我只可以希望你比多d心機. 至於用自己錢定家人既錢讀書, 梗係有家人支持好啦...你尼個人就係鍾意鑽尼d無聊既牛角尖, 你自己話 係咪無謂? 有家人支持讀書, 係你命中既福氣, 而有家人支持, 盡量讀好d既學校. 而你要做既, 就係讀好d 作為回答, 你讀多d書, 10年后既大運先可以幫你上得更高.
2008-3-15 15:58
鋼之風水術師
一位女性網友pm我, 內容如下
"姻緣几時出現真命天子?几時結婚?結婚對象性格特別和我是怎樣?
我和19xx年xx月xx日未時男有無緣會遇到一齊?
謝謝!"
網友八字 男對象八字
時 日 月 年 時 日 月 年
丁 己 辛 癸 辛 己 丙 己
卯 未 酉 亥 未 酉 寅 未
我認為, 網友這個八字本來幾好, 但卻可惜運行不到幫身之地. 八字中 金水木極旺, 卻火弱 不能暖局燃木, 加上所行既運尼睇, 你自己本身性格比較文靜 重思想, 壓力很大 但懂得容忍 包容. 有自己的專業或一技之長, 你對美感 創作 都好有天份, 所以如果你是做有關設計的工作 會有不錯的發展, 或做專業人仕 如會計行業 都適合你.
若論婚姻, 這段婚姻是會不錯的, 至於你會幾時結婚, 就真係都要好睇你自己既決定, 因為一個人一生有好多結婚離婚機會, 但結唔結 離唔離 是你們2人既決定. 我只可以同你講到未來幾時你姻緣比較旺... 你八字原局夫星五行極旺, 只是之前沒有透出, 而你2006年開始 夫星已經出左尼, 仲會出尼一段好長時間tim, 所以我相信好快有結果, 記得請我飲喇 :haha2: 未來幾年 下年2009年要注意, 你夫宮受沖, 如果2009你仲未有男友, 好大機會於那年有, 但就算你到時有男友 或原本今年已經有男友, 就要好小心會分手, 因為會有平輩/朋友同你搶.
你未來老公, 按你自己既八字顯示, 佢有一定地位, 好受人專重, 對你都會幾惡嫁, 但你一定要平心靜氣 (我認為對你一定唔係問題), 因為你日元坐比 食神干支同氣, 一定會好容易對丈夫有所不滿, 跟住就將其他男人與自己丈夫作比較, 當你作出比較時, 就是將近分離之時.....記住!!!!
至於尼個男仔, 我覺得同你有機會播, 大家亦都同時下年2009夫妻宮有沖合, 但唔好理下唔下年喇, 可能你地今年拍成左拖, 下年旺一旺就準備結婚tim播....加油!!!
2008-3-19 16:43
鋼之風水術師
有網友(女性)問我
"大師你好! 本人想問關於事業上的問題,做了10多年嘢都沒有一份穏定及專長,真係"張張刀,無張利"成日係度轉行.現在本人的公司因為遷上大陸,香港公司變得較為靜同生意少.而我又會於5月畢完平面設計.請問本人是否可以轉工?會否有一份有前途的工作,我不想再無聊的過日子,想有自己的事業,求大師指點."
時 日 月 年
乙 戊 甲 癸
卯 子 子 醜
你尼個命格, 做野一定好辛苦. 你命格中 不能靠你專業或知識去搵錢 所以我認為你就算畢業平面設計 都唔可以做設計師而搵多d錢. 你現時打工, 之前行既運 "七殺攻身", 一定壓力好大 好辛苦, 好容易令你變得事事畏首畏尾 怨天尤人. 但尼個情況唔會好耐, 你2009年轉運, 八字顯示會有一位朋友或平輩去幫你, 點幫你就唔知, 但我認為你最終唔係靠你自己設計去搵錢, 我認為你會係做管理的, 但當然 依然都可以係平面設計相關行業. 2009年開始 你既運會慢慢上, 2012年開始有明顯d既改善.
加油
2008-3-29 12:59
鋼之風水術師
好, 又有一位女性網友問我.
"你好呀, 我想測下d感情啊, 還未拍過拖, 不知我段因緣幾時到呢? 唔知對方是點樣的呢? 我想和我家姐她一齊搞d生意ar! 是同飲食有關的喔."
八字 家姐八字
時 日 月 年 時 日 月 年
庚 戊 甲 丙 乙 庚 壬 辛
申 戌 午 寅 酉 午 辰 酉
先講搞生意既事. 睇返你同你家姐2人八字, 你地都係適合o係公司做d穩定收入既工作, 或者好似政府工, 唔好轉行 一步一步做上去. 如果真係要做生意, 最好盡量請最少既人, 自己兩姊妹做晒. 但收入未必好過打工. 因為你地2個命格都係要辛苦個人力量得財, 而唔係請人幫你做.
其實如果你問我, 我認為唔好咁快搞生意住, 因為2011年你會有個變動, 你一定要這2-3年 一動不如一靜, 盡量唔好有任何進取, 更不可以有任何行差踏錯 或諗住搏一搏...千萬記住! 2012年之前, 萬事都要安安穩穩.
至於你姻緣, 我唔覺得你係結唔到婚既人, 相信2012年後轉運會旺番你夫星, 到時情況會好好多. 唯一你要記住, 你雖然會好愛你男友/老公, 但你好大可能會因為過份既愛令佢覺得冇晒自由 好唔自在... 你多d就佢, 疑心唔好咁重, 關係自然長久 (而家講尼d你唔明, 到時你會明)
2008-3-29 23:13
蝦米東菇
那是不是代表要到2012年才有愛情的出先呢?
2008-3-30 07:26
鋼之風水術師
[quote]Originally posted by [i]蝦米東菇[/i] at 2008-3-29 11:13 PM:
那是不是代表要到2012年才有愛情的出先呢? [/quote]
又唔一定, 只係話2012之後夫星會再旺d 尼幾年都係有機會的.
2008-4-10 13:01
鋼之風水術師
一位女性網友pm我, 佢正在學習八字命理. 我會用多少少命理中既語言尼講解.
"本人是女性,想問喜用忌神,大運如何,財運,姻緣
我識好表皮毛啫!有名家話我要金忌水,大運平平,一生有冇咩大起跌!
細緻我真係唔識睇,最記得有次搵xxx,佢話我過去邊年有姻緣,統統唔豈,仲話睇唔到叫我走,集思廣益,請指教!"
時 日 月 年 大運: 56 46 36 26 16 6
丙 丁 己 乙 乙 甲 癸 壬 辛 庚
午 卯 丑 卯 未 午 巳 辰 卯 寅
尼個八字, 四柱都係一柱純清 或者相生, 木火土氣都大旺 亦生於寒冬之時 整體八字原局亦不會過熱. 原局八字主此人必定好叻, 有主見, 對有興建的事物(或新事物)有很強的學習/適應能力. 只可惜 大運行不到用神之地. 此八字第一用神係金, 金主財星 則身旺以食神生財 主有大財運. 但我認為水亦不是忌神, 水為官星 主功名職位地位, 可惜原局及大運都遇唔到. 運大運夾埋一齊尼睇, 你工作上好希望上司可以比到你很大自由, 比你自由發揮, 但如果你覺得上司唔能夠比你自由發揮, 你會好辛苦 好唔願意做 甚至違背上司的決定. 你係一個工作能力好強既人 好有主見 有決策能力, 但同時 你亦都係令到上司頸痛既人. 但如果唔打工, 自己創業, 都唔係唔得, 但因為此命格係一種自己親力親為既人, 所以創業都盡量自己做多d, 請少d人.
至於姻緣運, 你八字中最大問題係夫星好弱, 但我覺得你尼幾年應該係幾旺至係wor. 大運行壬辰 夫星透出, 07年丁亥 亥為官星 亦合夫宮, 係應該有感情變化, 即有新對象/結婚/分手. 08年戊子 子辰會水 旺了夫星, 同時亦沖動了子女宮. 正常的話, 你應該會07-08年結婚, 08-09年有bb.
但我在此亦同大家講一講, 現代命理相學係唔可以100%講你幾時結婚, 因為現代人婚姻有自主權, 結婚離婚都好自由. 因此, 只可以同你講到, 你幾時姻緣旺, 容易有對象.
2008-4-12 10:44
鋼之風水術師
有網友來信
"本人生於1976年3月31日23:45(女性), 這是醫院查到的時間,但本人看過多位術數名師至今沒一位能準確推出本人的命格,更有名師(電視出現那些),把我推前為亥時,至目為止,我認為本人四柱為丙辰/辛亥/壬午/庚子會較接近過去命運,請指教!
想問本人四柱,喜用忌神,大運如何,財運,姻緣,今年會否轉工?"
你係咪都學緊八字命理呀?:wink_smiley:
沒有一位名師能準確推出你的命格, 咁你係指算你邊方面唔準先? 其實 一個八字主要影響一個人的性格, 有咩八字有咩性格 有咩性格有咩結果, 唔好以為八字萬能 咩都知, 亦都 八字都要配合掌面相先可以作準. 這點你學八字時要緊記, 唔好鑽左牛角尖.
一個八字既構成係有硬性格式, 唔係話唔準 就用時辰改到準. 八字基本上係古時中國人既生日, 係以過了亥時為第二日, 因此係一定唔可以出現庚子時(晚子). 我知道出面好多師傅都用晚子, 但我認為如果因為唔準就改時辰及改變八字的格式 唔係正確做法. 八字格式亦已經用了多個世代, 唔係話因為我地係現代人 就可以亂改. 所以如果醫院比你既時間係準確 你既八字一定係 丙辰 辛卯(唔係辛亥) 癸未 壬子.
如果你覺得有需要, 我先同你以 丙辰 辛卯 癸未 壬子 算. 老實講我都希望這八字唔準, 雖然我未詳細睇 但感覺此八字性格思想過於偏激自我, 唔係太好.:sad2:
[ Last edited by 鋼之風水術師 on 2008-4-12 at 10:48 AM ]
2008-4-16 15:24
鋼之風水術師
續上文
網友話都想聽聽我既意見, 咁我都講一講啦. 網友都係正在學習八字, 咁希望你都多d上尼交流下. 不過 其實你已經問了多位名師, 實在唔應該再問太多其他師傅, 你只會越問越亂. 我提議你最好真真正正自己學習, 明白命理, 一定一生受用. 其實, 好多時 明白命理之後先知道自己真正既性格及長短, 我自己就係咁.
八字 (女命)
時 日 月 年
壬 癸 辛 丙
子 未 卯 辰
原局型格, 身旺食神強(水木皆旺), 閒神透出, 唔多唔少性格上都會表裹不一. 整體型格係身旺食神制官殺 無財通關, 即代表你如果認為是對的 你會不惜跟上司理論 甚至意氣用事. 所以 你既用神係財星(火), 但可惜運行不到火運, 更要行比刧運加重自專心. 如果要改運, 必須經常保持心境開朗, 千萬唔好執著, 必須專重上司前輩, 用性格補回財星空缺.
有一件事要注意, 你今年大運流年伏吟 為忌神, 好大機會有事發生, 千萬要行得正企得正 唔好同人爭吵.
2008-4-26 13:09
鋼之風水術師
有網友想問愛情
"男
事業:做waiter
愛情:幾時有女朋友?"
時 日 月 年
丁 庚 癸 戊
醜 午 亥 辰
我覺得尼個八字都幾好, 而家辛苦d, 到差不多30歲財運會好好多, 但你一定要記住, 到時識搵錢都要養成一個儲蓄習慣, 你亦最好係打工好過自己做生意既.
至於姻緣, 你而家妻星仲係好弱, 我相信你會到2016年之後先至會旺d. 至於拍拖, 你命中對於追求異性的把握力係低d, 因此你要比任何其他人花多幾倍精神去追果個女仔先可以追到. 從八字上睇 你在朋友面前會好似積極好玩得咁, 但其實你內心性格幾內向, 咁內向 有好女仔都唔夠人爭wor. 你06年08年都應該有d感情變動嫁wor, 冇拍到拖咩? 今年睇下點啦, 你尼幾年之中 2010-2011年姻緣會最旺, 但同時亦顯示有人同你爭. 祝你成功:victory2::victory2:
2008-4-29 04:05
milkmilk27
本人生於1976/05/27/03:30
現工作愛情同時出現問題,請大師指點,
另本人大運何時,正桃花何時出現.
(因女朋友是我的老闆,但她比我大而且離過婚有一女)thank you!
2008-4-30 11:14
鋼之風水術師
[quote]Originally posted by [i]milkmilk27[/i] at 2008-4-29 04:05 AM:
本人生於1976/05/27/03:30
現工作愛情同時出現問題,請大師指點,
另本人大運何時,正桃花何時出現.
(因女朋友是我的老闆,但她比我大而且離過婚有一女)thank you! [/quote]
回覆左在你主題裹
2008-4-30 12:14
鋼之風水術師
網友pm我
"男..住銅鑼灣...大門大約向西..但有一半time都係uk...
我依一兩年衰都嘔..一年前同女友散咗之後..啲學業..人際..財嘅運就好差..雖然之前都馬馬...真係好灰..我想問我要點先令到學業好啲...同埋將來會唔會有錢握權...大運呀...個人力量得錢係咩??...同埋會唔會找到锺意嘅人...唔該阿鋼大師...!!!"
時 日 月 年
辛 壬 乙 丁
亥 申 巳 卯
我真係睇唔到你有幾衰到嘔法播. 單以八字論命, 尼個係一個上命, 但如果你一路都覺得自己差 咁就真係唔衰都變衰囉...主要係你心態問題, 唔關命運事.
命格係身旺傷官生財格. 你好聰明 係有讀好書既先天條件, 但點解讀唔到書? 主要因為你太多心. 你命中有"傷官星", 主思想 創作, 但傷官特徵係百足咁多抓, 咩都諗下但就唔肯比少少專注於一樣野. 咁其實我認為, 你先唔好標籤自己讀唔到先, 然後比多少少既時間讀書(好少都夠), 一定讀得好好.
事業方面, 尼個命格有做大生意既先天條件, 但就讀書對你好緊要, 因為相比上尼, 代表你手下既星 大過你dd, 所以如果你讀唔夠書 控制唔到你手下, 好難有好既手下幫你搵大錢.
至於婚姻, 更唔洗擔心 未來婚姻好好, 你先擔心你讀書事業先, 要女朋友今年都有機會....加油!!!
2008-5-1 11:18
milkmilk27
今日我們終於和好如初了,多謝大師指點我們才走番一齊,
今後我會努力和好好對她了......
感謝相助,無以為報.
鋼之風水術師 萬歲!!!!!!!:bad2:
2008-5-3 07:39
※如信※
路過睇一下∼∼
嗯，好好。 精彩。